Songkuo po sinavat do tavan nga otukadan,
Songkuo po sinodu do tombituon nga adampot;
Songkuo sinidau do babang nga ogusa;
Ingkaa no o tungkus do Kinoingan montok Kadazan.
Kadazan - pinuobo do Kinoingan,
Poimpasi doid hinagit-hagit taagang;
Kimaragang - tinan tonsi hamin Husod Tobitua,
Sunduvan do Kinoingan om koduduvo minihusod.
Nga odoi, ikot I logon kodou tuhu,
Vuhanut, naga ,mananakau, momomodu'ung,
Mininghahasu di Tavasi, minagau !
Kadazan - sakag do Kinoingan, novuzadan!
Noduung di gagut do Kinoingan,
Logon tasab do kalaatan, sangod di tavasi,
Nakahavan ponuu' Disido, nahangatan do douso!
Douso - vavanit minogovit kapatazon!
Kadazan, Oi Kadazan, koginavaan Ku,
Id nombo kou no, humagad Zou diozu!
Nakatak ku i Tanak Ku nadadi do Bohi,
Zaa Disido kohiung do douso zu - ikot kou no!
Posik, posik … tungag kou oi Tanak Ku,
Oluai no om mindau Zou no vagu,
Kopolintan Ku kointahang doid Pomogunan,
Kaazan Ku miaga do gonit om tingoud momolinta!
Ukabo no diozu o ginavo zu,
Pokinongou kou do Boos Ku,
Suang kou doid Katapatan Ku,
Zadaai diozu i doun kotuvangan!
Noivangan Ku no i Vavazaan,
Pononso kou do kinalaatan zu,
Bahik kou no doid Dogo maza
Di Boos Ku nadadi do Kadazan!
Poingandad Zou diozu tomoimo
Do naamot poingivang iho Vavazan;
Aiso kaanu mogivang diho songian otutub,
Kada ubato diozu o timpu di okudi no!
Pason di Ama montok tadau Kaamatan 2010
English Translation
How high are the heavens,
how far are the stars, how fast is lightning;
But Kadazan had domain over them ,
Such was his heritage from God.
Kadazan - the breath from God,
Alive in the red clay statue,
Kimaragang - the temple of the Holy Spirit,
Wherein Spirit of God and the Soul of man are joined.
But alas! came the Devil the hard headed,
Serpent, dragon, thief, deceiver,
Counterfeiting as 'Good', robbing
Kadazan - the children of God - leaving them naked!
Deceived by the Enemy of God,
The Devil, angel of evil, enemy of what is good,
Disobeyed His commandment, defiled by sin!
Sin - venomous poison bringing death!
Kadazan O Kadazan, My beloved,
Where are you, I am longing for you!
My Begotten Son I have given as Atonement,
His Blood will cleanse your sins - come to Him!
Wake up, wake up - arise all of you O My children,
In little while, I will be coming again,
My Government will descend on Earth,
My Glory like lightning and thunder will rule!
Open up your hearts,
Listen to My Word,
Retreat into My Truth,
GET OUT from the Kingdom of Darkness!
I have opened the Door,
Repent from your evil deeds,
Come back to Me through
My "Boos" (Word) that became "Kadazan"(Man)!
I am waiting for you always,
As long as the Door is open;
No one can open it once it is closed!
Don't waste the little precious time that is left!
Message from Abba Father for Tadau Kaamatan 2010
No comments:
Post a Comment